Mitos Ceuk Urang Sunda ( Ceuk Kolot Baheula).

Aya sababaraha kécap anu jadi mitos pamali atawa larangan di urang sunda dimana  lamun di lakukeun bakal aya madaratna.

Kieu basa sundana:

1. Ulah cicing di lawang panto bisi jodona teu jadi alias balik deui ka imahna/nongtot jodo
2. Ulah sasapu ti peuting bisi nyapukeun rejeki
3. Ulah sare isuk-isuk/tos subuh bisi rejeki leungit
4. Ulah sare tos asar bisi gelo
5. Ulah dadapangan waktu magrib bisi ngora keneh ditinggalkeun maot ku Indung
6. Tukang warung ulah ngajual uyah jeung jarum pasosore /peuting bisi teu payu
7. Ulah ngadahar ceker hayam bisi tulisanna butut
8. Ulah kuliat tos dahar bisi males
9.  Ulah ngecos/kakaput ti peuting bisi ka tojos
10. Ulah Ulin pasosore/sareupna bisa di bawa ku kelong wewe
11. Ulah heheotan ti peuting di jero imah, pamali bisi disampeurkeun jurig
12. Budak leutik ulah loba teuing ngadahar daging hayam bisi bapa beakeun….

Aya keneh ?

Gelora ‘Bandung Lautan Api’

 

Tina hasil voting sms, ngaran ‘Bandung Lautan Api’ jumlah voter 86 persen, disusul ngaran Stadion Gedebage nu jumlahna 11,5 persen sarta Gelora Rosada ngan 5 persen.
Ahirna diputuskeun sacara resmi SUS Gedebage ku ngaran Gelora Bandung Lautan Api. Salian ti eta kaputusan ngaran Gelora BLA dikuatkeun ku perwal (peraturan wali kota). ku ayana kitu masyarakat ngaharepkeun moal jadi permasalahan kana ngaran stadion kasebut.

Poling SMS Stadion SUS Gedebage…

Bandung, oh Bandung…

Baheula Bandung dipikawanoh ku ngaran Kota Kembang jeung sajarahna Bandung Lautan Api. Tapi kumaha kaayaan kiwari ?  Bandung kakoncara ku sebutan lautan factory outlet (FO) jeung kota kuliner. Tiap ahir minggu, ratusan rebu kendaraan/tutumpakan  ngajugjug Kota(dayeuh) Bandung ngan sauukur keur ngasaan kuliner/rupa-rupa kadaharan dibarengan ku hawa nu karasana matak tiris kana awak. Balikna, maranehna mawa hasil balanjaan ti FO nu ngajajar di sabudereun peuseur dayeuh.

Hadirna para pelancong/turis ti domestik atawa ti luar nagri eta nambah heurin Bandung. Tangtu kaayaan jadi  macet unggal waktu. Teu ngan sauukur ahir minggu ampir unggal poe. Macet kiwari jadi kadaharan sapopoe, warga nu ancik di Bandung oge jadi rudet komo deui ditambah ku banjir nu datang dina usum na. Hujan ngan sababaraha jam wae, jalan-jalan di Bandung kakeueum.  Malahan, banjir oge jadi langganan di wewengkon dataran luhur  di Bandung bagian kaler(utara).

Kiwari Bandung lain jadi kota kembang atawa lautan api. Bandung jadi kota banjir. Korbanna  nepi ka puluhan rebu. Data ahir nu ditulis ku sababaraha bewara nyatet korban banjir utamana di Bandung selatan(kidul) geus nepi ka leuwih kana 40.000 kulawarga. Angka ieu terus nambah kulantaran usum hujan tacan rengse. Malahan aya wilayah nu unggal taun ngalaman kabanjiran. Taya solusi nu pasti keur  warga salian saran kudu direlokasi.

Kukituna kumaha carana nungkulan pasualan banjir ?, taya lian hayu sakabeh warga masarakat Jawa Barat hususna warga kota bandung urang ngabebenah lingkungannana kudu ‘’beberes’’ jeung ‘’beberesih’’ supaya teu jadi beban keur anak incu.

Kulantaran sakabeh ‘’bencana’’ ieu mangrupakeun akibat tina ‘’pengambil kebijakan sarta keptusan’’, nu mangrupakeun konci nu utama. Bandung baris ancur lamun dipimpin  ku pamimpin pulitik. Bandung kudu dipimpin ku pamimpin nu ngabogaan imajinasi ngawangun Bandung tanpa ngaleungitkeun kaarifan lokal. Pamimpin ieu engkena  baris nyadarkeun kaum intelektual keur babarengan  ngawangun Bandung. ‘’ Geus waktuna eureun nyalahkeun paripolah masarakat leutik minangka cukang lantaran banjir’’. enya kituu…!