Sambel Goreng Teri Jengki, Ayam Goreng Tulang Lunak, Tumis Terong Tempe.
Sambel Teri Jengki teu kalebet pasakan anu model, tapi seueur nu seneng. Saurna teh ni’mat pisan upami dituang kanggo sarapan. Aya deui nu langkung pedo, hayam kenging ngagoreng anu hipu ka tulang-tulangna. Panambihna tumis terong tempe, katuangan anu murah meriah tapi kalandep ku sadayana. Wilujeng olah.
Sambel Goreng Teri Jengki.
Bahana : Teri jengki tawar 250 gram, digoreng dugi ka garing. Peuteuy dua papan, pesekan kulumudna. Cipati 250 cc tina saparapat hulu kalapa. Minyak 3 sendok. Tomat cekap hiji. Jeruk mipis sasendok makan.
Bumbu anu direndos : Cabe beureum 7, Bawang beureum 8 sihung, Bawang bodas 2 sihung, Sereh sapingping disiksik dugi kalembut. Tarasi sacekapna (kanggo nu seneng). Sasendok enteh gula bodas. Satengah sendok enteh uyah.
Ngolahna : Bungbu ditumiskeun sareng tomat dugi ka seungit. Lebetkeun peuteuyna, asakan dugi ka kentel. Saterasna lebetkeun teri jengki sareng cai jeruk mipis. Gulah-galeh, (ngagulah-galehna sakedap) Teras jait. Wadahan kana lodor. Ambengkeun.
Ayam Goreng Tulang Lunak
Bahanna : Hayam sahiji. Gula beureum 50 gram disiksik dugi mka lemes. Cai asem jawa sasendok makan. Cai kalapa 2,5 leter. Salam 5 lambar. Laja sakeureut digeprek. Minyak sacekapna.
Bungbu anu direndos : 6 sihung bawang bodas. 5 guruntul muncang. 2 sendok enteh uyah.
Ngolahna : Hayam dipotong jadi dua bagian, sabagian dadana, sabagian deui ka pingpingna. Sabagian-sabagian diteken ku dampal leungeun supados meber, ulasan ku bungbu (balur) dugi ka Rata, Hayam disimpen dina presto, tindihan ku sarangna. Tambihan ku cai kalapa saleter, gulaan. Tambihan cai asem, salam, sareng laja. Digodog. Seuneuna sedeng bae dugi ka kadangu aya sora ngaheos. Antos kirang langkung 30 menit. Upami caina macak-macak jait, teras di goreng.
Tumis Terong Tempe.
Bahanna : Tempe 250 gram dikeureutan pasagi panjang sapertos kanggo sambel goreng biasa. Digoreng satengah asak. Terong telunjuk (terong aralit) dibeulah dua. Sasendok enteh asam jawa. Cai 50 cc. Bawang bodas 3 sihung disiksik ipis. Salam 2 lambar, laja sakeureut, cabe hejo 2 disiksik, cabe beureum 2. Peuteuy 10 papan dibeulahan, gula bodas ¼ sendok enteh. 2 sendok enteh uyah, cipati 800 cc tina kalapa sabeulah. Minyak kanggo numiskeun sacekapna.
Ngolahna : Bawang bodas, bawang beureum, salam laja ditumis dugi ka kaambung seungit. Cabe beureum, cabe hejo, sareng peuteuy hijikeun kana tumisan tadi. Gulah-galeh Sakedap. Lebetkeun tempe sareng terongna, aduk sing rata. Cur cipatina, gula, sareng uyah bari digulah-galeh dugi ka ngagolak. Lebetkeun cai asem, gotrokeun dugi ka bungbuna nyerep.
Steak Tahu.
Bahanna : Tahu sutera 300 gram tuuskeun, potongan kumaha kahoyong wangunna mah. Bawang daun sagagang, candak nu hejona wungkul, siksik ipis.
Bungbu anu direndos : Minyak sasendok makan, minyak wijen ½ sendok enteh, kecap jepang 2 sendok makan. Bawang bodas sasihung diparud, Kecap amis sasendok makan, pedes, tipung ½ sendok enteh.
Ngolahna : Tahu dikeueuman ku cai bungbu lamina sajam. Pasak dina katel nganggo seuneuna alit dugi ka Warnana kasoklat soklatan sareng garing. Tahu jait wadahan kana piring ceper luhurna awuran Bawang daun kenging nyiksik. Ambengkeun.
URANG SUNDA 