Rengse Nyontreng

Tanggal 8 Juli 2009 urang geus ngalaksanakeun hak pilih, tangtuna  jeung hate nurani sewang-sewangan. Saha nu bakal jadi pamingpin nagara ieu ?, tangtu balarea geus apal nalika dina media tipi atawa Koran geus jentre yen anu unggul tina hasil itung-itungan di antara tilu capres-cawapres.

Mudah-mudahan di antara tilu capres-cawapres nu kapilih, urang  miharep bakal jadi pamingpin anu amanah, jujur sarta wijaksana dina ngalaksanakeun tugas jeung kawajibannana, supaya nagari urang aman, damai, makmur, sejahtera lahir jeung batin. Urang sararea pasti miharep nagari ieu pinuh ku limpahan ampunan Allah Swt ( baldatun thayyibatun wa rabbun ghafur ). 

Indonesia nyaeta nagari Muslim panggedena di dunya. Sakuduna, nagari ieu jadi conto/tuladan keur bangsa-bangsa sejen dina hal kama’muran jeung kasejahtraan jauh tina sagalarupa bencana jeung krisis. Bangsa urang butuh pamimpin nu kuat kaimanannana tur katakwaannana, jadi suri tuladan umat dina kata’atan ka Allah Swt,..Amin..!   Wallahu a’lam