Hebat mana..?

Aya bapa DPR nu kasohor kana korupsina, dina hiji mangsa nanya ka ustadz.

Bapa DPR: “pa ustadz,,, abdi bade tumaros ka ustadz… menurut ustadz, abdi sareng Gubernur hebat mana?”

Ustadz: “nya…hebat bapa atuh, pan Gubernur tara wani marentah2 anggota DPR.” bapak DPR mesem…

Bapa DPR: “upami sareng Menteri…! hebat mana..?”

Ustadz: “masih hebat Bapa,,, Menteri oge tara wani marentah anggota DPR” bapak DPR seuri…

Bapak DPR: “taaa…h, lamun jeung Ketua KPK hebat mana?

Ustadz: “tetep hebat bapa DPR,,, ketua KPK oge teu wani mariksa bapa, komo deui newak bapa”

Bapak DPR: “ieu pertanyaan, kedah di jawab jujur nya…pa ustadz…” lamun jeung Persiden..?

Ustadz: “masih hebatan bapak,,, bisa jadi presiden teh pan sora rahayat sarta kaputusan bapa2 di DPR”
bapa DPR ayeuna mah teu mesem deui malah seuri ngarasa puasss…!

Bapak DPR: “ieu patarosan terakhir…. upami abdi sareng Nabi hebat mana?”

Ustadz rada lila mikir heula….terus ngajawab…
Ustad: “eeehmm,,, hebatan bapa DPR… lamun Nabi masih sieun ku Gusti Alloh, ari bapak DPR mah pan tos teu sieun ku Gusti Alloh….”